ಡೈನಾಮಿಕ್ ಲೀಡರ್ ನ್ಯೂಸ್, Dynamic Leader - Kannada Online News Portal 24x7 | Latest News in Kannada online | ಕನ್ನಡ ಸುದ್ದಿ
ಖಾಜಿ ಫೈಜ್ ಇಸಾ Archives » Dynamic Leader
July 23, 2024
Home Posts tagged ಖಾಜಿ ಫೈಜ್ ಇಸಾ
ವಿದೇಶ

ಇಸ್ಲಾಮಾಬಾದ್: 44 ವರ್ಷಗಳಿಂದ ನನೆಗುದಿಗೆ ಬಿದ್ದಿರುವ ಮಾಜಿ ಪ್ರಧಾನಿ ಜುಲ್ಫಿಕರ್ ಅಲಿ ಭುಟ್ಟೋ (Zulfikar Ali Bhutto) ಅವರ ಗಲ್ಲು ಶಿಕ್ಷೆ ಪ್ರಕರಣದ ಮರು ವಿಚಾರಣೆಯನ್ನು 2024ರ ಜನವರಿಯಲ್ಲಿ ನಡೆಸಲಾಗುವುದು ಎಂದು ಪಾಕಿಸ್ತಾನದ ಸುಪ್ರೀಂ ಕೋರ್ಟ್ ಪ್ರಕಟಿಸಿದೆ.

ಪಾಕಿಸ್ತಾನದಲ್ಲಿ ಪ್ರಜಾಸತ್ತಾತ್ಮಕವಾಗಿ ನಡೆದ ಚುನಾವಣೆಯಲ್ಲಿ, ಪಾಕಿಸ್ತಾನ್ ಪೀಪಲ್ಸ್ ಪಾರ್ಟಿಯ ನಾಯಕ ಜುಲ್ಫಿಕರ್ ಅಲಿ ಭುಟ್ಟೊ ಮೊದಲ ಪ್ರಧಾನಿಯಾಗಿ ಆಯ್ಕೆಯಾದರು. ಆದಾಗ್ಯೂ, ಆಗಿನ ಅಧ್ಯಕ್ಷ ಮುಹಮದ್ ಜಿಯಾ-ಉಲ್-ಹಕ್ (Muhammad Zia-ul-Haq) ಅವರು 1977ರಲ್ಲಿ ಭುಟ್ಟೋ ಅವರ ಆಡಳಿತವನ್ನು ಉರುಳಿಸಿ, ಮಿಲಿಟರಿ ಆಡಳಿತವನ್ನು ಹೇರಿದರು. ನಂತರ, ನವಾಬ್ ಮುಹಮ್ಮದ್ ಅಹ್ಮದ್ ಕುರೋಶಿ ಎಂಬ ರಾಜಕೀಯ ನಾಯಕನನ್ನು ಕೊಲೆ ಮಾಡಿದರು ಎಂದು ಜುಲ್ಫಿಕರ್ ಅಲಿ ಭುಟ್ಟೊ ವಿರುದ್ಧ ಕೊಲೆ ಆರೋಪ ಮಾಡಿ ಅವರನ್ನು ಏಪ್ರಿಲ್ 4, 1979 ರಂದು ಗಲ್ಲಿಗೇರಿಸಲು ಆದೇಶಿಸಿದರು.

ಈ ಹಿನ್ನಲೆಯಲ್ಲಿ, 2011ರಲ್ಲಿ ಆಗಿನ ಅಧ್ಯಕ್ಷ ಆಸಿಫ್ ಅಲಿ ಜರ್ದಾರಿ ಅವರು ಪಾಕ್ ಸಚಿವ ಸಂಪುಟದಲ್ಲಿ ಭುಟ್ಟೋ ಗಲ್ಲಿಗೇರಿದ ಪ್ರಕರಣವನ್ನು ಮತ್ತೆ ಮರು ತನಿಖೆಗೆ ನೀಡುವ ಬಗ್ಗೆ ತೀರ್ಮಾನ ಮಾಡಿದರು. ಈ ಸಂಬಂಧ ಸುಪ್ರೀಂ ಕೋರ್ಟ್‌ನಲ್ಲಿ ಪ್ರಕರಣ ದಾಖಲಾಗಿತ್ತು. ರಾಷ್ಟ್ರೀಯ ಮಹತ್ವದ ಈ ಘಟನೆಗೆ ಸಂಬಂಧಿಸಿದಂತೆ, ಸೂಕ್ತ ರೀತಿಯಲ್ಲಿ ತನಿಖೆ ನಡೆಸಲಾಗುವುದು ಎಂಬ ಮಾಹಿತಿಯೂ ಕೇಳಿಬರುತ್ತಿದೆ.

ಇದೀಗ ಈ ಪ್ರಕರಣವನ್ನು ಮುಖ್ಯ ನ್ಯಾಯಮೂರ್ತಿ ಖಾಜಿ ಫೈಜ್ ಇಸಾ (Qazi Faez Isa) ನೇತೃತ್ವದ 9 ನ್ಯಾಯಾಧೀಶರ ಸಂವಿಧಾನ ಪೀಠದ ಮುಂದೆ ವಿಚಾರಣೆಗೆ ಕೈಗೆತ್ತಿಕೊಳ್ಳಲಾಗಿದೆ. ಜನವರಿ 2024ರಲ್ಲಿ ದಿನಾಂಕವನ್ನು ನಿರ್ದಿಷ್ಟಪಡಿಸದೆ ಮರು-ವಿಚಾರಣೆಗಾಗಿ ಪ್ರಕರಣವನ್ನು ಸ್ವೀಕರಿಸಲಾದ್ದು, ನಂತರ ಪ್ರಕರಣದ ವಿಚಾರಣೆಯನ್ನು ಟಿವಿಯಲ್ಲಿ ನೇರ ಪ್ರಸಾರ ಮಾಡಲು ವ್ಯವಸ್ಥೆ ಮಾಡಲಾಗಿದೆ ಎಂದು ಸುದ್ದಿ ಸಂಸ್ಥೆ ಎಎನ್‌ಐ ವರದಿ ಮಾಡಿದೆ.