ಡೈನಾಮಿಕ್ ಲೀಡರ್ ನ್ಯೂಸ್, Dynamic Leader - Kannada Online News Portal 24x7 | Latest News in Kannada online | ಕನ್ನಡ ಸುದ್ದಿ
ಕೋಳಿ Archives » Dynamic Leader
July 14, 2024
Home Posts tagged ಕೋಳಿ
ರಾಜ್ಯ

ಚಿಕನ್ ಕೋಶ (Cell) ಗಳನ್ನು ಪ್ರಯೋಗಾಲಯಗಳಲ್ಲಿ ಇರಿಸಿ, ಅದರಿಂದ ಉತ್ಪತ್ತಿಯಾಗುವ ಮಾಂಸವನ್ನು ಮಾರುಕಟ್ಟೆಯಲ್ಲಿ ಮಾರಾಟ ಮಾಡಲು ಅಮೆರಿಕ ಅನುಮೋದನೆ ನೀಡಿದೆ.

ಸಸ್ಯಾಹಾರಿ ಮತ್ತು ಮಾಂಸಾಹಾರಿ ಆಹಾರಗಳನ್ನು ಮೀರಿ, ಮಾಂಸ ಮತ್ತು ಡೈರಿ ಉತ್ಪನ್ನಗಳನ್ನು ತ್ಯಜಿಸುವ ‘ವ್ಯಾಗನ್’ ಎಂಬ ಆಹಾರ ಪದ್ದತಿ ಪ್ರಪಂಚದಾದ್ಯಂತ ಬೆಳೆಯುತ್ತಿದೆ. ಈ ಆಹಾರವು ಪರಿಸರ ಮತ್ತು ಆರೋಗ್ಯಕ್ಕೆ ಒಳ್ಳೆಯದು ಎಂದು ಅದರ ಅನುಯಾಯಿಗಳು ಹೇಳುತ್ತಿದ್ದಾರೆ.

ಈ ಹಿನ್ನಲೆಯಲ್ಲಿ, ಕೃತಕ ಮಾಂಸ ಉತ್ಪಾದನಾ ಮಾರುಕಟ್ಟೆಯೂ ಅತಿ ವೇಗವಾಗಿ ಬೆಳೆಯಲು ಆರಂಭಿಸಿದೆ. ಅಂದರೆ ಪ್ರಾಣಿಗಳ ‘ಕೋಶ’ಗಳನ್ನು ಪ್ರಯೋಗಾಲಯದಲ್ಲಿ ಇರಿಸಿ, ನಿರ್ವಹಿಸಿ ಮತ್ತು ಪೋಷಿಸಿ, ಇದನ್ನು ಮಾಂಸವಾಗಿ ಉತ್ಪಾದಿಸುವ ವಿಧಾನವನ್ನೇ ಪ್ರಯೋಗಾಲಯ ಮಾಂಸ ಎಂದು ಕರೆಯಲಾಗುತ್ತದೆ.

ಈ ರೀತಿಯಾಗಿ, ಪ್ರಾಯೋಗಿಕ ಚಿಕನ್ ಅನ್ನು ಅಮೆರಿಕದಲ್ಲಿ ಅಭಿವೃದ್ಧಿಪಡಿಸಲಾಗಿದೆ. ಈ ಕೋಳಿಗೆ ಜೀವವಿಲ್ಲ. ’ಕೋಶ’ಗಳನ್ನು ಇಟ್ಟುಕೊಂಡು ಮಾಂಸಕ್ಕೆ ಬೇಕಾದ ಭಾಗಗಳನ್ನು, ಅಗತ್ಯವಿರುವ ರೂಪದಲ್ಲಿ ತಯಾರಿಸಿಕೊಳ್ಳುತ್ತಿದ್ದಾರೆ.

ಈ ಪ್ರಯೋಗಾಲಯದ ಕೋಳಿ ಮಾಂಸವನ್ನು ಮಾರಾಟ ಮಾಡಲು, ಅಮೆರಿಕ ಕೃಷಿ ಇಲಾಖೆ ಅನುಮೋದನೆ ನೀಡಿದೆ. ‘ಅಪ್‌ಸೈಡ್ ಫುಡ್ಸ್’ ಮತ್ತು ‘ಗುಡ್ ಮೀಟ್’ ಎಂಬ ಎರಡು ಕಂಪನಿಗಳಿಗೆ ಈ ಅನುಮತಿಯನ್ನು ನೀಡಲಾಗಿದೆ.

ಪ್ರಯೋಗಾಲಯದಲ್ಲಿ ತಯಾರಿಸಿದ ಮಾಂಸವನ್ನು ಯಾರು ಬೇಕಾದರೂ ತಿನ್ನಬಹುದು. ಇರಲ್ಲಿ ಪ್ರೋಟೀನ್ ಇದೆ. ಹಾನಿ ಮಾಡುವುದಿಲ್ಲ. ನಾವು ಪ್ರಾಣಿಗಳನ್ನು ಕೊಲ್ಲುತ್ತೇವೆ; ಪರಿಸರವನ್ನು ಹಾಳು ಮಾಡುತ್ತಿದ್ದೇವೆ ಎಂಬ ಪಾಪಪ್ರಜ್ಞೆ ಇರುವುದಿಲ್ಲ ಎಂದು, ಕಂಪನಿ ಹೇಳುತ್ತಿದೆ. ಈ ಮಾಂಸ ಶೀಘ್ರದಲ್ಲೇ ಮುಕ್ತ ಮಾರಾಟಕ್ಕೆ ಲಭ್ಯವಾಗಲಿದೆ. ಅದೇ ಸಮಯದಲ್ಲಿ, ಅಮೆರಿಕದಲ್ಲಿ ಇದರ ವಿರುದ್ಧ ಧ್ವನಿಗಳು ಕೇಳಿಬರುತ್ತಿವೆ.

ಪ್ರಯೋಗಾಲಯ ಮಾಂಸವನ್ನು ಅಭಿವೃದ್ಧಿಪಡಿಸಲು ಹೆಚ್ಚು ಸಮಯ ತೆಗೆದುಕೊಳ್ಳುವುದರಿಂದ, ಇದರಲ್ಲಿ ಕೆಲವು ಪ್ರಾಯೋಗಿಕ ಸಮಸ್ಯೆಗಳು ಇದೆ ಎಂದು ಹೇಳಲಾಗುತ್ತದೆ. ‘ಅತ್ಯಂತ ವೇಗವಾಗಿ ಬೆಳೆಯುತ್ತಿರುವ ಈ ರೀತಿಯ ಕೋಳಿ ಮಾಂಸ ಉತ್ಪನ್ನ, 2030ರ ವೇಳೆಗೆ 20 ಲಕ್ಷ ಕೋಟಿ ರೂಪಾಯಿ ಮೌಲ್ಯದ ಕ್ಷೇತ್ರವಾಗಿ ಬೆಳೆಯಲಿದೆ ಎಂದು ಅಮೆರಿಕದ ಮಾಧ್ಯಮಗಳು ವರದಿ ಮಾಡಿದೆ.

ವಿದೇಶ ಶಿಕ್ಷಣ

ಕೋಳಿ ಮೊದಲ-ಮೊಟ್ಟೆ ಮೊದಲ ಎಂಬುದು ಪ್ರಾಚೀನ ಕಾಲದಿಂದಲೂ ಬಿಡಿಸಲಾಗದ ಒಗಟಾಗಿದೆ. ಕೋಳಿ, ಮೊಟ್ಟೆಯಿಂದಲೇ ಬಂದಿದೆ ಎಂದು ಕೆಲವರು ಹೇಳುತ್ತಾರೆ. ಮೊಟ್ಟೆಯನ್ನು ಕೋಳಿಯೇ ಇಟ್ಟಿದ್ದು ಎಂದು ಕೆಲವರು ವಾದಿಸುತ್ತಾರೆ, ಆದ್ದರಿಂದ ಕೋಳಿಯೇ ಮೊದಲು ಬಂದಿತ್ತು ಎಂಬುದು ಕೆಲವರ ವಾದ. ಈ ಒಗಟಿನ ವಾದಗಳಿಗೆ ಈಗ ಸಂಶೋಧಕರು ಉತ್ತರವನ್ನು ಕಂಡುಕೊಂಡಿದ್ದಾರೆ.

ಕೋಳಿ ಮೊದಲ-ಮೊಟ್ಟೆ ಮೊದಲ ಎಂಬ ವಾದಕ್ಕೆ ವೈಜ್ಞಾನಿಕವಾಗಿ ಉತ್ತರಿಸಲು, ಮೊದಲು 51 ಪಳೆಯುಳಿಕೆ ಜಾತಿಗಳು ಮತ್ತು 29 ಜೀವಂತ ಜಾತಿಗಳನ್ನು ಅಧ್ಯಯನ ಮಾಡಲಾಯಿತು. ಈ ಜೀವಿಗಳನ್ನು ಮೊಟ್ಟೆ ಇಟ್ಟು ಮರಿಮಾಡುವ ಜೀವಿಗಳು (oviparous) ಮತ್ತು ಮರಿಹಾಕುವ ಜೀವಿಗಳು  (viviparous) ಎಂದು ವರ್ಗೀಕರಿಸಲಾಯಿತು.

ಮೀನಿನಂಥ ಜಲಚರಗಳಿಂದ ವಿಕಾಸದಲ್ಲಿ ಕಶೇರುಕ ಆಮ್ನಿಯೋಟ್ಸ್ (Amniotes) ಕಾಣಿಸಿಕೊಂಡಿತು. ಅವು ನೀರಿನಲ್ಲಿ ಮತ್ತು ಭೂಮಿಯಲ್ಲಿ ವಾಸಿಸುವ ಉಭಯಚರಗಳ ಗುಣಲಕ್ಷಣಗಳನ್ನು ಹೊಂದಿದ್ದವು. ಈ ಜೀವಿಗಳು ಬದುಕಲು ಮತ್ತು ಸಂತಾನೋತ್ಪತ್ತಿ ಮಾಡಲು ನೀರಿನ ಹತ್ತಿರವೇ ಇದ್ದವು. ಉದಾಹರಣೆಗೆ, ಕಪ್ಪೆಗಳು ಮತ್ತು ಮೊಸಳೆಯಂತಹ (Salamander) ಜೀವಂತ ಜೀವಿಗಳು.

320 ಮಿಲಿಯನ್ ವರ್ಷಗಳ ಹಿಂದೆ ಕಾಣಿಸಿಕೊಂಡ ಆ ಜೀವಿಗಳು, ಜಲನಿರೋಧಕ ಚರ್ಮ ಮತ್ತು ನೀರಿನ ನಷ್ಟವನ್ನು ನಿಯಂತ್ರಿಸಲು ಪಳಗಿಕೊಂಡಿತು. ಆ ಮೂಲಕ ನೀರಿನಿಂದ ಬೇರ್ಪಟ್ಟು ಭೂಮಿಯಲ್ಲಿ ವಾಸಿಸುವ ಅಭ್ಯಾಸವನ್ನು ಬೆಳೆಸಿಕೊಂಡಿತು.

ಈ ಹಿನ್ನಲೆಯಲ್ಲಿ ಅನೇಕ ಹಲ್ಲಿಗಳು ಮತ್ತು ಹಾವುಗಳು, ಮರಿಹಾಕುವ ಸ್ವಭಾವದಿಂದ ಬದಲಾಗಿ ಮೊಟ್ಟೆ ಇಡುವ ಸ್ವಭಾವಕ್ಕೆ ಬದಲಾವಣೆಗೊಂಡಿತು. ಹಾಗೆಯೇ  ಕೋಳಿಯ ಪೂರ್ವಜ ಕೂಡ ಮರಿಹಾಕುವ ಸ್ವಭಾವದಿಂದ ಮೊಟ್ಟೆಯಿಡುವಿಕೆಗೆ ಬದಲಾವಣೆಗೊಂಡಿತು. ಮೊಟ್ಟೆಯ ಚಿಪ್ಪುಗಳು, ಆರಂಭದಲ್ಲಿ ಮೃದುವಾಗಿದ್ದವು ನಂತರ ಗಟ್ಟಿಯಾದ ಚಿಪ್ಪುಗಳಾಗಿ ವಿಕಸನಗೊಂಡಿತು.

ತಾಯಿ ಜೀವಿಗಳು ಮರಿಗಳನ್ನು ದೀರ್ಘಕಾಲದವರೆಗೆ ಗರ್ಭಾಶಯದಲ್ಲಿ ಇಟ್ಟು, ಸಾಕಷ್ಟು ತಾಪಮಾನ ಮತ್ತು ಬೇಕಾದಷ್ಟು ಆಹಾರದ ಸಿದ್ದತೆಯನ್ನು ಮಾಡಿಕೊಂಡ ನಂತರ ಮರಿಗಳನ್ನು ಬಿಡುಗಡೆ ಮಾಡಲು ಅವಕಾಶ ನೀಡಿರಬಹುದು. ವಿಜ್ಞಾನಿಗಳು ಇದನ್ನು ವಿಸ್ತೃತ ಭ್ರೂಣ ಧಾರಣೆ (Extended Embryo Retention) ಎಂದು ಕರೆಯುತ್ತಾರೆ.

ಇದರಿಂದ ಕೋಳಿಯಿಂದ ಮೊಟ್ಟೆಯೇ ಬಂದಿತು ಎಂದು ಅಧ್ಯಯನದಲ್ಲಿ ತಿಳಿದುಕೊಂಡಿದ್ದಾರೆ. ಹಾಲಿ ಇರುವ ಸರೀಸೃಪಗಳು, ಪಕ್ಷಿಗಳು ಮತ್ತು ಸಸ್ತನಿಗಳ ಪೂರ್ವಜರು ಮೊದಲು ಮೊಟ್ಟೆ ಇಡದೆ ಮರಿಗಳನ್ನು ಹಾಕಿರುವುದು ಇದೀಗ ಕಂಡುಬಂದಿದೆ.

ಈ ಅಧ್ಯಯನದ ವರದಿ `Nature Ecology & Evolution’ ಎಂಬ ದಿನ ಪತ್ರಿಕೆಯಲ್ಲಿ ಪ್ರಕಟವಾಗಿದೆ.