ಕೊರೊನಾ ಆರ್ಭಟಕ್ಕೆ ಚೀನಾ ತತ್ತರ...! » Dynamic Leader
July 18, 2024
ವಿದೇಶ

ಕೊರೊನಾ ಆರ್ಭಟಕ್ಕೆ ಚೀನಾ ತತ್ತರ…!

ಮುಂದಿನ 3 ತಿಂಗಳಲ್ಲಿ ಚೀನಾದಲ್ಲಿ 16 ಲಕ್ಷ ಜನರು ಸಾಯುವ ಸಾದ್ಯತೆಯಿದೆ!


– ಸಾಂಕ್ರಾಮಿಕ ತಜ್ಞ ಎರಿಕ್ ಫಿಗಲ್ ಡಿಂಗ್

ಮುಂದಿನ 3 ತಿಂಗಳಲ್ಲಿ ಚೀನಾದಲ್ಲಿ ಶೇ.60ಕ್ಕೂ ಮೇಲಾದ ಜನರು ಕೊರೊನಾ ಸೋಂಕಿಗೆ ಗುರಿಯಾಗಬಹುದು. ಅದೇ ರೀತಿ 16 ಲಕ್ಷ ಜನರು ಸಾಯುವ ಸಾದ್ಯತೆಯೂ ಇದೆ ಎಂದು ಸಾಂಕ್ರಾಮಿಕ ರೋಗಶಾಸ್ತ್ರಜ್ಞ ಎರಿಕ್ ಫೀಗಲ್ ಡಿಂಗ್ ಎಚ್ಚರಿಕೆಯನ್ನು ನೀಡಿದ್ದಾರೆ.

ಚೀನಾದಲ್ಲಿ ಕೊರೊನಾ ಹರಡುವಿಕೆ ಮತ್ತೆ ಹೆಚ್ಚುತ್ತಿದೆ. ಪ್ರತಿದಿನ ಸೋಂಕಿತರ ಸಂಖ್ಯೆಯೂ ಹೆಚ್ಚಾಗುತ್ತಿದೆ. ವ್ಯಾಪಕವಾಗಿ ಹರಡುತ್ತಿರುವ ಕೊರೊನಾವನ್ನು ತಡೆಗಟ್ಟಲು ಸರ್ಕಾರ ನಾನಾ ರೀತಿಯ ನಿರ್ಬಂಧಗಳನ್ನು ಹಾಕಿತ್ತು. ಆದರೇ ಇದಕ್ಕೆ ಪ್ರತಿರೋಧ ವ್ಯಕ್ತಪಡಿಸಿದ ಚೀನಿಯರು ಹೋರಾಟದ ದಾರಿಯನ್ನು ಕೈಗೆತ್ತಿಕೊಂಡರು. ಜನಪರವಾದ ಹೋರಾಟಕ್ಕೆ ಮಣಿದ ಸರ್ಕಾರ, ತಮ್ಮ ನಿರ್ಬಂಧಗಳನ್ನು ಸಡಿಲಗೊಳಿಸಿತು.

ಕ್ರಿಸ್ಮಸ್, ನ್ಯೂ ಇಯರ್ ಮತ್ತು ಚಂದ್ರಮಾನದ ಹೊಸ ವರ್ಷಾಚರಣೆಯಿಂದ ಪರಿಸ್ಥಿತಿ ಮತ್ತಷ್ಟು ಕೈಮೀರಿ ಹೋಗು ಸಾದ್ಯತೆ ಇದೆಯೆಂದು ಹೇಳಲಾಗುತ್ತಿದೆ. ಕಳೆದ ಕೆಲವು ದಿನಗಳಿಂದ ಸ್ಮಶಾನಗಳಿಗೆ ಬರುವ ಮೃತರ ಶವಗಳ ಸಂಖ್ಯೆಯೂ ಹೆಚ್ಚಾಗುತ್ತಿವೆ. ಅದೇರೀತಿ ಆಸ್ಪತ್ರೆಗಳಲ್ಲಿಯೂ ರೋಗಿಗಳ ಸಂಖ್ಯೆ ದಿನದಿಂದ ದಿನಕ್ಕೆ ಹೆಚ್ಚಾಗುತ್ತಲೇ ಇದೆ.

ಇದರ ಬಗ್ಗೆ ಹಿರಿಯ ಸಾಂಕ್ರಾಮಿಕ ರೋಗಶಾಸ್ತ್ರಜ್ಞ ಎರಿಕ್ ಫೀಗಲ್ ಡಿಂಗ್ ‘ಮುಂದಿನ 3 ತಿಂಗಳಲ್ಲಿ ಚೀನಾದಲ್ಲಿ ಕೊರೊನಾದಿಂದ ಶೇ.60 ರಷ್ಟು ಜನ ಸೋಂಕಿಗೆ ಗುರಿಯಾಗಬಹುದು. ಇದರಿಂದ 16 ಲಕ್ಷ ಜನರು ಸಾಯಬಹುದು. ಬೀಜಿಂಗ್‍ನಲ್ಲಿರುವ ಸ್ಮಶಾನಗಳಲ್ಲಿ ಶವಗಳನ್ನು ಮಣ್ಣು ಮಾಡುವ ಕೆಲಸಗಳು ದಿನದ 24 ಗಂಟೆಯೂ ನಡೆಯುತ್ತಿದೆ. ಪ್ರತಿ ಸ್ಮಶಾನಕ್ಕೆ ಪ್ರತಿದಿನ 2000 ಶವಗಳನ್ನು ತರಲಾಗುತ್ತಿದೆ. ಇಲ್ಲಿನ ಶವಗಾರಗಳು ಹೆಚ್ಚು ಹೊರೆಯಾಗುತ್ತಿದೆ.

ಸೋಂಕಿನ ತ್ವರಿತ ಹರಡುವಿಕೆಯಿಂದ 90 ದಿಗಳಲ್ಲಿ 87 ಕೋಟಿ ಜನರು ಸೋಂಕಿಗೆ ಒಳಗಾಗುತ್ತಾರೆ. ಮತ್ತು ಹಲವಾರು ಲಕ್ಷ ಜನರು ಸಾಯುತ್ತಾರೆ. ಚೀನಾದ ಕಮ್ಯುನಿಷ್ಟ್ ಪಕ್ಷದ ಈಗಿನ ಧ್ಯೇಯವಾಕ್ಯ ಏನಂದರೆ, ಸಾಯುತ್ತೇವೆ ಎಂದುಕೊಂಡವರು ಸಾಯಲಿ ಎಂಬುದೇ ಆಗಿದೆ. ಎಂದು ಹೇಳುತ್ತಿದ್ದಾರೆ.

Related Posts